韓國五天之旅@ DAY 5

韓國五天之旅@ DAY 5

9月29日

弘大 – 3D館 – 食WAFFLE – 樂天FOOD COURT – 機場

旅程最後一天, 我地要早點出發, 八點半係LOBBY等

各人的旅行箱都塞滿了戰利品, 哈哈, 幸好阿媽有個大箱, 可以放食品。

今日我地到弘大吃早餐, 我原先想吃ISSAC, 可惜揾唔到, 求其去左BURGER KING 吃了個暖包。

吃飽就去3D館, 9千WON一人, 我地差不多睇了個半小時, 其實都影得幾3D, 不過爸媽好似好趕咁, 未影晒就走去另一館, 而珩珩就痴住阿妹, 做電燈胆, 哈哈, 所以我地都好少合照。

然後我地去食我期待好耐的WAFFLE, 果然好好味呀!!

爸媽就坐多陣, 其他人就行多一陣, 又SHOPPING!! YEAH!!

珩珩都唔執輸架, 買了四枝指甲油。

之後我地兵分兩路, 我, 善珩爸媽去首爾車站, 其他人回酒店取行李, 係LOTTE等。

珩珩眼訓, 老豆抱, 好彩去到LOTTE整醒佢, 佢仲好記得要買DONUT!

去LOTTE FOOD COURT吃午餐就搭AREX 回機場了!

大家都好累, 係機鐵訓覺,去到機場, 搞退稅, 然後買了個小旦糕同FANNY慶祝生日 , FANNY都好累了, 招呼珩珩咁多日。

上到機, 珩珩坐璧琪隔離睇電影, 無訓過, 真係勁。

韓國五天之旅@ DAY 4

韓國五天之旅@ DAY 4

9月28日

玩水 – 東大門燒肉 – 清溪川 – 炸雞豬腳

今日係珩珩期待已久的日子-玩水!!!

今日晏啲出發, 十點啦, 係附近吃早餐。

我地搭地鐵, 不過轉錯車, 因為轉錯車,  遇著大平賣, 7900W買一件棉背心, 超抵, 個個開開心心購物。

行去PLAYDORCI都幾近, 出地鐵直行就係, 珩珩換左衫就衝落水了, 勁開心!! 佢又玩幾幾次SIR 滑梯, 撞到姨丈時, 姨丈又整古佢, 要捉佢隻腳, 搞到佢大聲叫!

之後食少少野, 去浸下熱水, 玩到4點幾先走。

本來想回酒店, 不過時間晏了, 就直接去東大門, 游水用品放LOCKER, 然後輕輕鬆鬆去東大門吃燒肉。

啲燒肉好好味, 不過點得太多, 但真係正!! 不過都唔平架, 二百幾一位架~!

食飽左, 係東大門行一陣, 地下街行一陣, 又買到少少野, 經過清溪川影張相當黎過, 回程了。

因為早吃, 晚上細佬再買炸雞, 仲有爸爸想吃的豬腳, YEAH!!

韓國五天之旅@ DAY 3

韓國五天之旅@ DAY 3

9月27日

租衫 – 景福宮 – 土俗村人蔘雞 – 八村 – BIBAP SHOW – 上海麵 – 炸雞

今日唔駛咁早, 係酒店附近吃了早餐, 吃飯捲, 麵呀咁, 然後去租衫店揀韓國服。

我地簡直心情興奮, 試下呢件試下果件, 珩珩見到件粉紅色就要了, 然後揀頭飾, 真係好搞笑, 搞亂場。

然後再去景福宮, 我地係LOCKER前換衫, 遊客以為我地黎比人影相, 係到等我地, 珩珩首先搞掂, 遊客就同佢影相。

我地好似一班臨記咁, 周圍影相, 又比人影下。

著住韓服配景福宮, 拍出來的相都幾好!!

換衫後去土俗村食人蔘雞。

雞好滑, 珩珩吃了雞腿同海鮮蔥旦餅, 好吃, 一人一隻雞!

然後我地行去北村, 原來好遠同難行, 所以..未到達, 我們都累了。

我們到附近地方換過衣服影張, 便分批走。一批還衫, 一批回酒店。珩珩在此時訓著。

回酒店抖抖, 七點又出發去睇BIBAP SHOW。

珩珩一邊睇一邊問, 人地叫拍手, 佢又跟住拍。之後就成日問SHOW入面隻雞點解叫, 其實只係假雞, 但佢又唔明!~

睇完SHOW唔算好餓, 大家去隔離上海店食麵。珩珩都吃了幾隻餃子和麵, 算OK!

然後我地行返去地鐵, 見到一啲路邊攤, 爸爸想買啲回酒店吃, 細佬回酒店就去買炸雞。

沖涼後集係爸爸房一齊開餐。

炸雞真係好好味呢!!

韓國五天之旅@ DAY 2

韓國五天之旅@ DAY 2

9月26日

一天團: 法國村 – 江村RAIL BIKE – 春川炒辣雞 – 南怡島 – 鷺梁津 – 樂天MART

今日行程非常簡單, 跟團。

一早出發, 幸好昨晚揾好路, 所以好快到集合點。珩珩買了一個東甩, 8:30領隊來了, 一齊上VAN出發。

第一個點小法國, 我地離開首爾, 去到郊區, 沿路風景怡人, 有一個大湖景, 幾舒服。珩珩睡了, 去到小法國便整醒她。小法國因為拍韓劇為人熟悉, 場景細, 我們邊行邊影相, 珩珩跟住FANNY一齊行, 叫佢影相就樣衰衰!!! 最搞笑係, 爸媽佢地扮都敏俊和千頌伊跳落黎!! 珩珩同舅父去睇木偶劇, 都幾投入!!

行了一小時, 買條腸上車就去江村踩RAIL BIKE!

我地分開3架車, 踩車都幾好, 未試過, 風景一般啦, 幾悠閒的。珩珩同爸爸座前排, 踩到中路有電的, 唔駛自己踩, 係回程時踩上去都幾辛苦。

踩完後, 我地係鐵路影相, 好爆笑, 點解人地SWEET, 我地係爆笑？

珩珩又唔同我地影喇!!

終於食午飯, 春川炒辣雞。四人一碟, 自己炒, 差不多熟可以汁加飯再炒。好味又飽肚, 正正~

上車訓一訓又到南怡島, 南怡島好大的一個公園, 星期五都好多人, 我地行了兩小時, 珩珩買左條手鏈, 又玩了遊樂場, 影下相, 食下野, 又要搭船返去了。

坐兩小時回首爾, 我地係鷺梁津落車, 晚餐吃自己揀的海鮮。

海鮮由爸, 璧, KEVIN同山一齊去揀, 有鮑魚, 長腳蟹, 蜆, 螺, 魚, 蝦, 用韓式燒烤方法, 珩珩食左少少啦!  大人就食得好開心, 因為真係好好味! 飽後就去LOTTE MARKET血拼一下。

原先諗住行九個字, 點知大家都買到忘了時間, 哈哈, 手信啦, 零食啦, 我地都買左幾百蚊! 大家一箱二箱, 打的回酒店!

韓國五天之旅@ DAY 1

韓國五天之旅@ DAY 1

9月25日

零晨出發 – 酒店 – 早餐 -  龍山汗蒸幕 – 明洞午餐 – 酒店 -  酒店附近DINNER – 明洞夜遊

今朝搭零晨機出發去韓國, 其實我好緊張, 搭飞機無得訓, 即係成晚無訓, 諗起都累。

珩珩就好興奮, 去到機場同姨姨玩, 又同爸爸食老麥, 上到飛機要迫佢先訓, 佢唔訓係因為想吃飛機餐, 哈哈。

一到埗, 珩珩就醒了, 過關時不知幾時精神。一大班人自由行, 行程我地幾個安排, 所以點搭車都係我地帶領。

我地搭AREX機鐵, 等了幾個字先有車, 大家都顯得有點累, 所以一上車就訓, 列車到站, 有音樂通知, 幾好!

然後大伙兒再決定搭的士到酒店, 因為拎住行李唔好走上走落了。

去到酒店無得CHECK IN, 放低行李就去食早餐, 第一餐我地食粥, 因為地下街無咩選擇, 啲粥唔平架, 睇WON轉唔切港元, 所以都幾貴。

食飽左, 當然要休息啦, 細佬帶我地去龍山站的汗蒸幕。嘩, 一黎就要脫光光浸温泉。黎到囉, 唯有……照脫…….

第一次係阿囡面前脫光光, 真係呢..唔知點形容

璧同FANNY 各自浸, 我同珩珩去親子池, 唔太熱, 得我同珩珩兩個都OK!

姨姨叫我地去浸露天, 行到出去我同珩覺得涼, 但一掂水一齊叫好熱, 然後衝番入去親子浴。

浸左好耐, 然後著番衫, 諗住訓下, 點知善珩唔訓, 搞黎搞去, 姨姨忍唔住帶佢落去揾班男人, 我就繼續訓。

訓到咁上下, 姨姨話舅父帶珩珩游水, 珩珩好開心!

呢到都幾好, 有水游, 有温泉, 有得蒸, 有得打機, 玩足半日都得。

玩完後, 我地落明洞, 諗住食韓定食, 點知執左!

所以係明洞揾左另一間醫肚, 食韓餐。珩珩岩岩訓醒, 無黎精神。食飽, 係明洞行了一陣, 咁岩有SHOW的特價飛, 買左飛就回酒店抖抖了。

晚上, 因為怕爸媽累, 所以係酒店附近吃燒肉。我見珩無訓, 我同珩係酒店附近行下, 咁岩又撞到睇錯時間的姨姨, 買了明天的包包, 又揾到家食店, 我便叫爸媽一齊黎。

這家燒肉得豬和魚, 悶就悶啲, 所以大家唔算大飽, 爸媽回酒店休息, 其他人再去明洞!!

我地係明洞燒了, 燒肉串, 雪糕, 魚仔燒, 炒年糕, 很熱鬧的明洞。

書展2014

今日去書展掃貨, 其實有諗過唔去, 但唔去自己實後悔, 所以今日早啲去。 我地十點三去到灣仔, 幸好有善珩, 可以用特別通道入去, 唔駛兜大圈。 我地先去成人館, 我無咩書想買, 珩珩同我就四圍摸下, 山又四圍行, 珩珩見到啲小朋友書就睇, 不過我地想集中係兒童館先買, 所以行好快就閃。 去到兒童館, 真係呢, 好多野買, 珩珩買左貼紙, 仲有好多精品, 不過無買, 我地買書珩珩都鍾意睇, 不過睇果啲係屋企有既!! 行到二點幾走人, 珩珩都累了, 一上巴士就訓覺。好彩今年有拖車仔, 唔駛拎得咁辛苦。

同表姑姐吃飯

同表姑姐吃飯 7月19日下午, 山去道堂, 我同珩珩遲啲先出旺角大約六點去到旺角, 先到信和睇, 買左個變身器, 珩珩都好鍾意, 佢要自己袋。七點約埋表姑姐們一齊DINNER 珩珩送條手鏈比表姑姐, 然後拖手一齊走, 其實珩珩細, 表姑姐就住黎玩, 講啲野珩珩又唔明, 哈, 所以同我講野多, 但珩珩見表姑姐講野, 佢又想講, 變左兩個各有各講。之後, 我地行去大角咀吃甜品, 珩珩要了一個WAFFLE, 不過她只吃了少少便飽了。吃飽就回家啊。