動植物公園

2月24日

爸爸今日帶珩珩去動植物公園, 

我話請假, 就話無咩地方好去, 

我返工就同個女揾到地方去!!!

挑食

挑食

1月26日

今晚煮天使麵, 因為煮出黎, 唔係珩珩想吃既意粉, 

佢食左一啖就話唔想食, 話唔好食。

我見佢個樣食到鞋口鞋面, 我同佢講食飯就開心食, 

無人食飯食得咁唔開心, 唔開心就唔好食。

佢繼續食到拿口拿面, 我問佢係咪唔想食, 唔想就唔好食,

 
不過陣間無野食, 連生果都無得食。

佢就喊了!!!

咁我執好碗碟, 咁爸爸抹好抬比佢做功課, 

我見佢功課寫到錯晒, 寫少英文字, 

就鬧佢做功課唔專心, 佢又喊。

一路喊一路寫埋佢, 執好功課, 爸爸洗好碗出黎鍚番個女, 

我去沖涼, 沖涼前再講無得睇卡通。

我自己都好嬲, 點解會咁!!!!!!!!!!!! 

外宿AGAIN

外宿AGAIN

2月23日

今晚因為要去睇ALAN TAM 演唱會, 所以請了晴幫我睇女!!

珩珩有三日大假, 佢期待今天很久了。

她吃完早餐就心急地問爸爸出發未。

四點幾爸爸同佢出發了, 提著小行李, 開心地去會合阿晴。

佢地睇戲, 睇企鵝卡通, 當然我們付錢啦!

爸爸將珩交比晴就走了!

珩珩同晴吃PIZZA, 睇戲, 回家再來零食BUFFET, 十分開心。

有晴明和她玩, 玩改薄都好開心!!

玩到一點先睡覺。

到第二天, 又拖著小行李離開了!

晴帶珩吃早餐後, 去公園玩一會再去圖書館, 

然後十二點幾與山會合, 唔該阿晴!

爸爸帶珩珩去叉燒意粉午餐, 然後去北角PLAYHOUSE玩, 

因為有免費飛, 不過珩珩話好悶。

三點幾撇, 在巴士極速訓著。

年初四

年初四

2月22日

今朝洗完衫發現廚房水浸, 原來洗衣機條喉甩左, 

搞到成個灶都係水!!

好彩今年細佬帶珩珩去FANNY家整曲奇, 

我同山可以慢慢清潔!

珩珩玩到五點回家, 帶住佢整的曲奇, 滿心歡喜的回家!!

到晚上我們到太婆家團拜, 珩珩同琛彥FD左, 

坐埋一齊玩, 一齊食, 比以前好好多了!

下次真係要拎叮噹棋盒過去, 等佢地慢慢玩。

飯後, 互相派利是, 珩珩想幫我派, 派得少又發脾氣!

十一點回家, 好累啊!

韓國五天之旅@ DAY 5

韓國五天之旅@ DAY 5

9月29日

弘大 – 3D館 – 食WAFFLE – 樂天FOOD COURT – 機場

旅程最後一天, 我地要早點出發, 八點半係LOBBY等

各人的旅行箱都塞滿了戰利品, 哈哈, 幸好阿媽有個大箱, 可以放食品。

今日我地到弘大吃早餐, 我原先想吃ISSAC, 可惜揾唔到, 求其去左BURGER KING 吃了個暖包。

吃飽就去3D館, 9千WON一人, 我地差不多睇了個半小時, 其實都影得幾3D, 不過爸媽好似好趕咁, 未影晒就走去另一館, 而珩珩就痴住阿妹, 做電燈胆, 哈哈, 所以我地都好少合照。

然後我地去食我期待好耐的WAFFLE, 果然好好味呀!!

爸媽就坐多陣, 其他人就行多一陣, 又SHOPPING!! YEAH!!

珩珩都唔執輸架, 買了四枝指甲油。

之後我地兵分兩路, 我, 善珩爸媽去首爾車站, 其他人回酒店取行李, 係LOTTE等。

珩珩眼訓, 老豆抱, 好彩去到LOTTE整醒佢, 佢仲好記得要買DONUT!

去LOTTE FOOD COURT吃午餐就搭AREX 回機場了!

大家都好累, 係機鐵訓覺,去到機場, 搞退稅, 然後買了個小旦糕同FANNY慶祝生日 , FANNY都好累了, 招呼珩珩咁多日。

上到機, 珩珩坐璧琪隔離睇電影, 無訓過, 真係勁。

韓國五天之旅@ DAY 4

韓國五天之旅@ DAY 4

9月28日

玩水 – 東大門燒肉 – 清溪川 – 炸雞豬腳

今日係珩珩期待已久的日子-玩水!!!

今日晏啲出發, 十點啦, 係附近吃早餐。

我地搭地鐵, 不過轉錯車, 因為轉錯車,  遇著大平賣, 7900W買一件棉背心, 超抵, 個個開開心心購物。

行去PLAYDORCI都幾近, 出地鐵直行就係, 珩珩換左衫就衝落水了, 勁開心!! 佢又玩幾幾次SIR 滑梯, 撞到姨丈時, 姨丈又整古佢, 要捉佢隻腳, 搞到佢大聲叫!

之後食少少野, 去浸下熱水, 玩到4點幾先走。

本來想回酒店, 不過時間晏了, 就直接去東大門, 游水用品放LOCKER, 然後輕輕鬆鬆去東大門吃燒肉。

啲燒肉好好味, 不過點得太多, 但真係正!! 不過都唔平架, 二百幾一位架~!

食飽左, 係東大門行一陣, 地下街行一陣, 又買到少少野, 經過清溪川影張相當黎過, 回程了。

因為早吃, 晚上細佬再買炸雞, 仲有爸爸想吃的豬腳, YEAH!!

韓國五天之旅@ DAY 3

韓國五天之旅@ DAY 3

9月27日

租衫 – 景福宮 – 土俗村人蔘雞 – 八村 – BIBAP SHOW – 上海麵 – 炸雞

今日唔駛咁早, 係酒店附近吃了早餐, 吃飯捲, 麵呀咁, 然後去租衫店揀韓國服。

我地簡直心情興奮, 試下呢件試下果件, 珩珩見到件粉紅色就要了, 然後揀頭飾, 真係好搞笑, 搞亂場。

然後再去景福宮, 我地係LOCKER前換衫, 遊客以為我地黎比人影相, 係到等我地, 珩珩首先搞掂, 遊客就同佢影相。

我地好似一班臨記咁, 周圍影相, 又比人影下。

著住韓服配景福宮, 拍出來的相都幾好!!

換衫後去土俗村食人蔘雞。

雞好滑, 珩珩吃了雞腿同海鮮蔥旦餅, 好吃, 一人一隻雞!

然後我地行去北村, 原來好遠同難行, 所以..未到達, 我們都累了。

我們到附近地方換過衣服影張, 便分批走。一批還衫, 一批回酒店。珩珩在此時訓著。

回酒店抖抖, 七點又出發去睇BIBAP SHOW。

珩珩一邊睇一邊問, 人地叫拍手, 佢又跟住拍。之後就成日問SHOW入面隻雞點解叫, 其實只係假雞, 但佢又唔明!~

睇完SHOW唔算好餓, 大家去隔離上海店食麵。珩珩都吃了幾隻餃子和麵, 算OK!

然後我地行返去地鐵, 見到一啲路邊攤, 爸爸想買啲回酒店吃, 細佬回酒店就去買炸雞。

沖涼後集係爸爸房一齊開餐。

炸雞真係好好味呢!!